Shawwal ke 6 Roze monday aur thursday ko rakhne ka hukm
Sawaal:
Kya yeh sahih hai ki main monday aur thursday ke Roze ka sawab haasil karne ke liye Shawwal ke 6 Roze monday aur thursday ke din Roza rakh lun?
Jawaab:
Ji haan is mein koi harj nahi, In Sha Allah aap ke liye Shawwal ke 6 Rozon aur monday aur thursday ke Rozon ka sawab likha jaayega.
Shaikh Muhammed bin Uthaimeen Rahimahullah kehte hain:
“Jab yeh ittefaaq ho jaaye ki Shawwal ke 6 Roze monday aur thursday ke din rakhe jaayen to In Sha Allah Shawwal ke 6 rozon ki niyyat se dono ajr haasil ho jaayenge, ya’ni Shawwal ke 6 aur monday aur thursday ke Roze ki niyyat se.”
Kiunki Rasoolullah ﷺ ka farmaan hai:
“A’maal ka daar-o-madaar niyyaton par hai, aur har aadmi ke liye wahi hai jis ki us ne niyyat ki ho.” (Sahih Bukhari: 1)
(Dekhen: Fataawa Islamiyyah: 2/154)
No comments:
Post a Comment